Contra vento e choiva fría... ¡¡¡ ALGARABÍA !!!

Pese ás probables inclemencias do tempo, e dado que neste mundo de consumismo e neoliberalismo mental, unha Algarabía ó ano é fundamental... tras un par de "remixes" do programa, algunhas chamadas e recados varios e cun aporte extra de ilusión desinteresada...

Éste fin de semana (6 e 7 de setembro) chegará a XXIV Algarabía a Lalín, que ven, coma sempre, chea de ilusión, gañas de pasá-lo ben... e micro-macro-actividades que totalizan un presuposto de 0,0 Euros, e que se concretan neste programa que de seguido se detalla e que, por suposto, é tan modificable e improvisable coma debe ser esta festa, por definición participativa e imprevisible onde as haxa.

Sábado 6:
Ás 12.00.- Concerto inauguración do Puto Palco da Puta Praza Europa e arranque da Algarabía, co correspondente corte de cinta e presenza das mozas vestidas de galegas.

Ás 12.30.- Pasarrúas de Linho do Cuco sobre tractor con remolque, con director invitado.

Ás 13.00.- Na praza das pipas pregón a cargo de Jimi.

Ás 13.15.- I Campionato de “Escurrir o Bulto” (brilé) adicado como non ó Alcalde Crespo.

Ás 13.30.- II Xornadas Gastronómicas de Casquería Fina na Taberna da Praza.

Ás 14.00.- Sesión Vermú con concerto informal na terraza da Taberna a cargo de Creaking Tree´oh e Linho do Cuco.

Ás 17.00.- Intervencións artísticas no parque de Loriga a cargo de Luchi, Paío, Armindo, Paco Lareo, Manolo, Katerina, María, Nacho e Álex. E outras de outros, por Lalín adiante.

Ás 17.00.- Inicio dos xogo populares e cooperativos: canasta-caldeiro, comba, bolos entre botes, a picapolaina, huevo-pico-araña. Talleres varios e variados: Obradoiro de malabares por Paz Montilla, de instrumentos por María, de chapas por Ángel, etc. Pintada no chan con xices de cores. 4º Campionato do mundo de pelota no aire.

Ás 18.00.- Concerto da Cuarteto de Clarinetes “Os Kevenhan”.

Ás 18.30.- !!!!! Merenda tropical ¡¡¡¡¡

Ás 19.00.- Batalla de globos de auga (dependendo do tempo)

Ás 19.00.- Concerto de “Novo & Carrasqueses”.

Ás 19.30.- Asemblea de nenos e nenas de valoración da Algarabía e da vida cultural en xeral do pobo.

Ás 20.00.- Concertos en balcóns: Iván García e Benxamín no balcón da Marquesina.



Domingo 7.
Ás 12.00.- Saída da clásica Lalín-Empalme-Lalín para vehículos non contaminantes. Con parada de refresco na Horta Ecolóxica e Musical.

Ás 13.30.- Sesión vermú na taberna da plaza a cargo de Benxamín, Quintá e Iván. Charla coloquio sobre a última das estreas cinematográficas de Lalín e presentación da película Crespinator.

Ás 17.00.- Obradoiro de marionetas por Luchi. Continuación de talleres e xogos.

Ás 18.00.- Chistes malos a cargo do colectivo “Mistetas”. A verdadeira historia da pintada non acabada, por Celsiño. Receita para ovo frito por Fran Lareu. Espiches libres (subidos ó estrado dunha caixa de cervexas), sobre temas de actualidade e clásicos.

Ás 19.00.- Concerto: O Cuarteto da Casa ( Azu, Camino, Isabel e Kris)

Ás 20.00.- Jam session aberta e concerto espontáneo da Antón Band e todos aqueles que queiran sumarse.

Ás 20.30.- Recital poético por Marga, Quintá e Celsiño. Adicado este ano ós recentemente desaparecidos Mahmud Darwix (Palestina) e Ahmed Farad (Pakistán).

Ás 21.00.- Proxección a cargo do Cine Fórum de cortos de xente de Lalín.

Ás 21.30.- Gran Inauguración de “Zara Home” no auditorio de Lalín.

Ás 23.00.- Como remate da Algarabía, Gran Churrasco de Irmandade.


A Asamblea da Algarabía quere felicitar a tóda-las persoas e grupos que aportan o seu traballo desinteresado, non esquencendo a aqueles grupos que ían participar, e por mor do cambio de datas non poden asistir: a Banda Infantil de Lalín, o Cuarteto de Gaiteiros "Os Rápidos" de Ourense, o dúo de Acordeóns de Vila Nova de Gaia (Portugal), e o grupo de Requinteiros de A Coruña que viñan de gratís, así como á Concellala de Cultura, pola premura coa que respostou ás nosas peticións.

Nota: Se chove, moitos actos irán para a Taberna da Praza ou para as Galerías Colón. Ademáis, haberá carpas (do Pontiñas River).